| تبليغات | X |
|
اوشـــویور اورگیــم – دونــور اللــریــم سویوق دی بو غربت –قوجاغین هانی؟ واریــمدی هـــر لــحظه سنه احـتیــاج کـوُزلی- محبــتلی اوجاغــین هــانــی؟ گل سویوق جسمیمی آل قوجاغینا ایسینیم - کورپه تک یاتیم قــوینوندا آغلار اورگیمی باس باغریــنا سن دونــیانــین غملرین آتیم قــــوینوندا ماوي گؤزلرينده اوزمک ایسترم فرصت وئر کونلونده یاشاییم هله پاییــز نفــسیندن سـن منی قــوُرو کدر .گوُیرتیمی وئرمه سیــن یئله نه گوُلوم –دنیزیم – نه بولاغیم وار آدیمی هر یئتن سسله ییر "صـونا" دوشـورسـن یادیــما آرخـالانــیرام سـن مــنه بـو آدی قـویـوبسـان آنا
تانیلماز بیر درده توشوبدو کونلوم داواسیز -درمانسیز سیزلایرام من گونش ده کوچوبدی ماوی گویومدن داغلی اورگیمی بورویوبدو چن قفیلدن بیر بلا گلدی باشیما هارادان قاریشدی زهر آشیما اورگین یانماسین بو گوز یاشیما آرزیلی کونلومه بیچیر سن کفن ! گوزومده حایاتین سونوب چیراغی گورکمسیز یاشامین سولوبدور باغی اونوتدون کونلومه چکدین داغی گورمورسن ساچیما غم سالیپدی دن؟ ئویردیم غملری بیرلیکده یوراق چتین سیناقلاردا داغ کیمی دوراق گئدیرسن -گئدگیلن الیمی بوراخ امما بونی بیل کی اورگیمده سن اگر گوزوم غمدن چاغلایاجایدی پیمانین دردیله باغلایاجایدی شنلیک حسرتینده آغلایاجایدی دای "صونا"بو گوللر یارانیب نئدن ؟
اليـمي الينـه آلمیاجاییدین ازل گون ايستكلي سؤيله دين سالام دئه منـي اوزونه اويـرتدين نئدن؟؟ سنلي گونـلريمي وئريرم سـنه آخير محبتين گـل گوستر منـه گئديرسن ياديندا ساخلا بوسؤزو وفاسیزین گولمیه جک بیل اوزو گئديشـينله سَپدين يارامـا دؤزو دئه مني اوزونه اويرتدين نئدن؟؟ کیمسه سئوگیمیزین سرّین بیلمه دی
يئنه ده كونلومده اؤيالانيرسان
دومان چن چكيلمير كونلومدن منيم ندنسه طالعيم بئله يازيليب ؟؟ قورخورام ياد ائلده گوله لر منه كوچوب بو گؤللري غمسيز ائديرم
نه يولدان هاراي وار نه گؤزله مكدن خيالين بورونوب چنه كونلومده گونله ريم اوتدوكجه سنسيز دولورلار غصه بيتگي له ري دنه كونلومده اؤ سوزگون باخيشين چيخمير ياديمدان بير آنليق بوراخمير خيالين مني اللرين هله ده اللريمده دي گؤرورسن؟؟...اليم ده اونوتمور سني ! قيسمتيم بئليميش گره ك گئديدين گره ك آغلاييدي منيم گؤزله ريم باخيشيم يوللاردا نغمه قوشيدي نظمه چكيليدي غملي سؤزله ريم بيلميرم هالاردا گزيرسن گولوم ؟ هانسي باخيشلارا ياتاغدي گؤزون ؟ اللرين كيمله رين اللرين توتوب؟ بسله يير عشقيله كيمله ري سؤزون ؟ سن گئدين غربته من وطن ده يه م من آغلار قالسامدا سن گولر ياشا! عمرومون گؤنله ري چنلي بورانلي سنين حسرتينده چيخاجاق باشا
اودلو باخيشلارين بوز دويغولاريمي اودا چكيرلر گؤزله ريندن ايراق اريیب-اريیب سويا گئديرم +++++++++++++++++++++++ سئوگيه بويانميش سؤزون ندنسه بيلميرم مني كوسدورور؟ يا سنين ديلينده سؤزونده گوناه ! يا منيم اورگيم ديمه دوشردي !!
.
حزین بیر سیزیلتی اوجالیب عرشه دالغا دالغا درددی کونلوم دنیزی سیزلاییر گوینه ییر حسرت یاراسی ائله بیل بورویوب اولؤم دنیزی * گوزله ریمده گونش دوغولمور داها غم غصه سئل کیمی آخیر گوزومدن سوسموشام کدردن لال اولوب دیلیم آلینمیر دای یاشام سس سیز سوزومدن * حایاتیم قارایا بوروندو نئدن؟؟ یام یاشیل باهارا حسرت یاشادیم فصیللر عومرومده یا قیش یا پاییز چیچکلی بوستاندا تانیلمیر آدیم * کدردن یازدیقجا گؤللر قورویور یاشیل باش "صونا"لار کوچور غربته دیلک چیچکله ری خزل له شیر لر نیسگیللی اورگیم دولور حسرته
چيلغين اللريمه حنا ياخديلار دئديلرگلين ليك حناسيدي بو بير اوتاق قوردولار گولدن چيچك دن داها بوندان بئله ياشامين بودو * آغلاديم دئديلر حايات ياني بو! ايسته مز ائليمدن آيريلدي اليم هئچ اورك كونلومله اويغون اولمادي دوشدوم غربت ائله بوكولدي بئليم * آي آنا يوردومون ايستي نفسي سويوق توپراغينا آجيخميشام من نه قدر اوزگه لر گولسه اوزومه بورويور كونلومي چيسگين دومان چن * غربتين ايستي سين خوش سانانميرام وطنين كوله گين قارين سئويرم نه قدر اوزومه گولسه ده غربت وطنين آغيسين خارين سئويرم * اليمي يوورام غربت سويوندا حنانين رنگ له ري سولور اليمده قايديب گئديرم وطنه ساري بير شله درد گئدير ايري بئليمده * وطنين حناسين ياخيم باشيما غربت اوجاسيندان وطنه انيم آل الوان رنگيله بويانسين ساچيم "صونا"يام بو گؤلدي منيم مسكنيم
داغلاردا سسيمه سس وئرمير داها سن كيمي داغلاردا ياد اولوب منه آغلار باخيشيمي يوللار يوروبدو يوللاردا غميمدن بورونوب چنه * ال اوزمور اورگيم شن خياليندان شيرين سئوداميدين زهر دونيادا حئیران باخیشلاریم چاتمادي سنه سنسيز قيسمتيمدي –قهر-دونيادا * سئوگي ديوانيني بوكوبدو كونلوم سوسموشام هاراييم دونوب قهره شنليك هئيكليمده ديزه چوکوبدو آرزيمدي ظولمتيم يئته سحره * گره ك گلمه ييديم قوجا دونيايا دونيانين غمله ري سارسيديب مني پاييزلي حاياتدا وطن حسرتي وورغون ايله ييب دي آي "صونا"سني
گئدیرسن یاواش گئت! یاواش گئت گولوم !!! آردینجا سورونور منیم اورگیم گئدرگیم آستا گئت یول چینقیل داشدی بیر آن باخیشینی دوندر دالی باخ؟؟ آلقان آرزیلاریم ایز سالیب یولا نیسگیله بورونموش اورگیم منیم آردینجا یوللاردا تیلیت قان اولوب گئدیرسن آستا گئت! آستا گئت باری!!!
گوزومون ياشينا سيغما سن گولوم !
کئچن ایل بیر قاریج توپراق ۷۰ایل شاختا چکمیش اللرینی سویوق باغرینا چکدی او گوندن بری سنسیز!! عزایه دولور دویغولاریم نیسگیله بویانیر خیالیم! بیر قاریج فاصله یینن سنه چاتا بیلمیرم!! آی "صونا"لی گؤلدی کؤچه ن قوجا قارتالیم .
شیرین گیلئیلی بیر اوووج توپراغا گوز یاشی قاتیب سینه مده چیرپینان قلبی یاراتدین ازلدن گؤزومه کــــدر سورمه سین چکیب غم الینـــــن گونوم قاراتدین * ایسته دین آنلاریم آغلار سووشسون آی تانری ازلدن نه ایدی گوناهـــیم؟؟ اشیگیم دویره مــــی کــدره ســالیر! ایچـــیمی یانــــدیریرحسرتلی آهـــیم * حاياتيم ازلدن غمـــــــــله توره نيب بوياق گوتورمه ييب ذيل قارا ظولمت ندنسه من اوچون كدر وئريب سن؟؟ سحر لذتينه قالميشام حســـــــرت! * سئويب ظولمت لرده مني ياراتدين آی آلاه هاراییم خوش گلير سنه؟؟ "صونا"يام آغلارام ظولمت ايچينده ياديــنلا بورونور غمـــيم كـــــفنه!
فانيس گوزله رين فانيسدي كور باخيشيما قارانليق آنلاردا بوراخما مني قورخولو ظلمت ده قيچيم تيتره يير سانيرام ده يرلي بير داياغ سني * يورغون اللريمي توت اللرينله سويكه نيم هئيبتلي داغ ويقارينا پولاد بير دوستاقدا بوغولوب حيسسيم چیرپینیر دویغولار داش دووارینا * گوزله ريندن ايراق -منی- ماراليم!! حصارا ساليبلار چاققاللار ئینه قورخونج باخیشلاریم،یورغون گوزله ریم "صونا"لی گوللره حسرت دی هله/
بیر داملا حسرت کی هر قارانلیق گئجه ده یالقیز گوزله ریمدن دامیر ظولمته. من سنه یاددان چیخان بیر آرزییام ایتمیشم کونلونون شن بوجاغیندا.
حئیف گوزله ریمدن توکولن یاشا دن دوشن ساچلارا بلالی باشا ظولموندن دونئیدی اورگیم داشا غمیندن دئینده آغلاماییدیم * هئچ یئره آغلاتدین گولدوردون منی یاشاتدین -یاشاتدین اؤلدوردون منی غمیندن سویله ییب سولدوردون منی ازلدن بئل سنه باغلاماییدیم * قیسمتیم غم اولدی سنی گؤرندن گوزونده یالانچی نمی گؤرندن یالانلار سویله دین منی گؤرندن کونلومی غمینله داغلاماییدیم * "صونا"نین عومرونی ایله دین هدر کونلونه قالادین ،غصه ،غم، کدر گوزله ریم هیجریندن گزیر در به در کاشکی سنله پئیمان باغلاماییدیم
اوُلونچه سن دندی سن دندی سُوزوم سن اوچون شعر غزل یازارام اوُزوم کونلومون خلعتین بیچه رم سنسیز آجی آنلاریمین عمری اوزانیب وارلیغیم کدرین اودوندا یانیب اورگیم قیسمتین ائله بیل قانیب آیریلیق زهه رین ایچه رم سنسیز گلیبدیر هیجریندن نه لر باشیما آغ ساچلار یاراشمیر بو آز یاشیما آیریلیق قان قاتیر دای گوُز یاشیما کوسوب بوگوُللردن کؤچه رم سنسیز
من بویله آنمیشام سنی! سن سسیز بیر ظلمت سن! داریسقال بیر دوستاق! سنین آنلاریندا قورخولو یاشاییرام! آددیم لاریمی قؤروموشام ! دویغو گؤزله ریمی باغلامیشام !! کی سنده گزمه سینلر! سنین !!! عدالت سیز پای بولوشون کونلومون کورپه سین جانا گئتیریب!!(دونيا)
اولموسان دردیمه درمان گوزه لیم قالمیسان کونلومده پنهان گوزه لیم اولماسین گوزله رین گریان گوزه لیم! من کیمی سئوردیم .سن اولماسایدین * آی منیم کونلومه اعتبار وئرن چیرپینان قلبیمه شاُن قرار وئرن گوزومده ائوله نه خوش مزار وئرن من کیمی سئوردیم سن اولماسایدین * گولنده کونلومده گوللر آچاجاق که په نک گوللرین اوسته اوچاجاق غم یوکون باغلایب دیلدن قاچاجاق من کیمی سئوردیم سن اولماسایدین * عمرومون پاییزین گلیب یاز ائدن غصه لر ساینی دیلده آز ائدن "صونا"نین غصه لی کئیفین ساز ائدن من کیمی سئوردیم سن اولماسایدین
آردینجا گلمه لیم گئدگینن آردینجا گلمه لیم من حسرتیم گوزونون ایزینده قالیب بو غریب توپراقدا خزانلی کونلوم یاشیل باخیشیندان بارلی باغ سالیب * سن منه دایاغسان غریب اولکه ده جانیمدان ایرلی ایسته رم سنی او ایستی الیندن کویرک کونلوندن سن بیل بویوک تانری آیرما منی * بیلیرسن حایاتیم باغلیدی سنه "صونا"لی گؤللری بوراخما باری آخشاملار گونشین سون نفسینده آغلایار گوزله ریم ایزینه ساری
تکجه بیر نفس ماجالیم واردی آغزیندان بیر کلمه شیرین سؤز چیخارت یوخ دئسن گوزلریم نفس دن دوشر چیرپینیر اورگیم تیتره ییر الیم! دئنن کی گلرم گؤزله ییم یولون!! فورصت وئر حایاتین مزه سین دادیم بیر نفس موهلت وئر- تکجه بیر نفس
گوتوردوم قلمی شنلیگدن یازام کونلومدن غمله رین کوکونو قازام قوخدوم کی شاعرلیک یولوندان آزام گوزله ریم دالغالی دنیزه دوندی اونؤنده شنلیگین چراغی سوندی *** نا کام آرزیلاریم کج باخدی منه سویله دی چوخداندی دوشموشوک چنه من سنه باغلیام سنده کی منه حسرتلی گولوشون ساتما شنلیگه یازگینان غمله رین قاتما شنلیگه *** شنلیگی شعرینده یازابیلمه سن! غصه نی کونلوندن بیرده سیلمه سن ! بو غمین قیمتین ائر بیلمه سن ! دویغو اورگیندن کوسر قالارسان دای اوندا نئلردن احساس آلارسان؟ *** کدر دنیزینده گرک اوزه سن حسرت یاشی اولوب گوزدن سوزه سن معنوی عشق اوچون گرک دوزه سن غصه دن یازدیقجا گوزل له شیرسن شنلیگه چاتماغا هی ال له شیرسن *** "صونایام "غصه دن شاعر اولموشام ازلدن حسرتدن غمدن دولموشام نملی گوز گورنده غمه دولموشام سارا تک طالعیم یازیلمیش بئله غربت ده غصه دن توتولدوم سئله.
بو ظولمتلي آنلار يمدا آغلار كونلوم غمه بو يانيب بير آغير غصه دن بير قهره دولموش نيسگيلدن سن ! تكجه سن! دو يغولو باخيشلار ينلا مني آختار مني تاپ! ايتميشم كدرلي آنلاردا تاپ مني دو يغولاريمين نيسگيللي اولومون باش ساغليغي وئر آغلار باخيشلاريما كدرلي كونلومه!
گوزله ریمدن توکولن قان یاشلاریما کونول وئر! یــــــوخـــــسا. حسرتیندن دنیز -دنیز دالغالانیب داشاجاغام/ //////////////////////////// قورخورام غربت ائلده علاج سیز دردیله نیسگیللی اؤله م/
دویغولاریمین اورگی چیرپینمادا دیلیمدن توکولوب غزل اولاجاق/
او گون کی سویوق توپراق باغرینا باسیب یاسالاییز منی آغلار نفسله ریم سیرغا اولوب قولاغلاریندان آسیلماسین ! غملی سوزله ریم غزل غزل دیلیندن توکولمه سین! مه لی باخیشلاریم سئل سئل گوزله ریندن آخماسین! سئون پئشمانلیق بره بیتیرمز! چالیش توپراقدان قاباق غزل غزل یاسالایب آغلا منی!
هله دی یاناغیین آرزیسیندایام حسرت دوداغیمدا اوچوغلایب دی بو یانقین اودلاردان چیخان اورگی او عناد گوروشون پیچاقلایب دی * یوللارا دوشه نیب خسته باخیشیم گلن ایاقینا گول خالی سالیم قابارلی ایاقلا دوشدوم ایزینه هاچان اللرینه چاتاجاق الیم ؟ * بوکؤیره ک کونلومون حسرتی سن سن من سنسیز سارا تک سئللر قوناقی پاییز حیاتیمین گونشی سن .گل سارالیر عمرومون یاشیل یاپراغی * "صونایام "بو هیجران کسیر صبریمی گوزومدن سنسیز لیق دردی توکولور دن دوشور غملردن قارا ساچیما الف تک قامتم دال تک بوکولور |
About
گلیشین - Archivesدی 1390آبان 1390 شهریور 1390 مرداد 1390 تیر 1390 خرداد 1390 فروردین 1390 اسفند 1389 دی 1389 آبان 1389 مهر 1389 شهریور 1389 مرداد 1389 تیر 1389 خرداد 1389 اردیبهشت 1389 فروردین 1389 اسفند 1388 بهمن 1388 دی 1388 آذر 1388 آبان 1388 مهر 1388 شهریور 1388 مرداد 1388 تیر 1388 خرداد 1388 اردیبهشت 1388 فروردین 1388 اسفند 1387 بهمن 1387 دی 1387 آبان 1387 Links
انحمن ادبی ورزقان script language="javascript"> document.write(" |
